Innskráning í vefpóst

Sláðu inn netfang til að komast inn á vefpóstinn.

Árið 2016 hjá okkur

Krefjandi og spennandi ár að baki

Árið 2016 hefur verið mjög afkastamikið og fjörugt að okkar mati og hefur auðvitað liðið allt of hratt. Við bættum við okkur mannskap til þess að ná að halda í við öll nýju og spennandi verkefnin sem hrönnuðust upp og erum núna 35 manns í heildina. 

Starfsmannafélagið okkar PreStar hefur verið mjög öflugt og haldið starfsfólkinu uppteknu enda alltaf gott að hafa gaman í vinnunni. 

Hugbúnaðar- og veflausnir

Teymið okkar í hugbúnaðar- og vefdeildinni hafði í nógu að snúast á árinu, enda stækkaði deildin um helming og tók að sér mörg skemmtileg og krefjandi verkefni. 

Leikskólakerfið Karellen hefur verið á góðri siglingu á árinu og bættust nokkuð mörg sveitafélög í hóp þeirra sem eru að nota kerfið. Um 110 leikskólar eru nú að nota það í sínu daglega starfi. 

Við opnuðum þrjá nýja Corrian innri vefi hjá fyrirtækjum sem öll eru með 300 eða fleiri starfsmenn. Gengu þessar innleiðingar eins og í sögu. Við breyttum einnig útlitinu á Corrian innri vefjunum sem vakti mikla lukku. 

Amon námskeiðskerfið okkar er glænýr hugbúnaður sem fór vel af stað á árinu og er að reynast fyrirtækjum vel. En með því kerfi gefst fræðslustjóra eða starfsmannastjóra tækifæri á að búa til lesefni eða myndefni og starfsmenn geta tekið próf úr efninu inn á vefnum beint á sínum eigin tíma.

Við slógum heldur ekki slöku við í vefþróuninni og opnuðum 35 glænýja og ferska vefi og fleiri eru á leiðinni strax í janúar. CaraWeb vefumsjónarkerfið okkar er að slá í gegn en auðveldara, einfaldara og skemmtilegra vefumsjónarkerfi er að okkar mati vandfundið.

Rekstrarþjónusta og hýsing

Hópurinn okkar í rekstri og þjónustu heldur sínu striki, en hann sér um rekstur tölvukerfa og notendaþjónustu hjá um 300 fyrirtækjum og stofnunum. Takast þarf á við margar áskoranir í síbreytilegu umhverfi og nýrri tækni. Fjöldi nýrra viðskiptavina bættist í hópinn þetta árið sem er ávalt gleðiefni. 

Við erum sífellt að þróa okkar starf og bjóðum upp á margar nýjungar og má þar nefna Þjónustu með yfirsýn sem innifelur Office 365, notendaþjónustu, vöktun búnaðar, öryggislausnir og fræðslu notenda en þess má geta að þessi pakki, þjónusta með yfirsýn er að gera góða hluti innan veggja smærri og meðalstórra fyrirtækja. 

Áhersla okkar liggur enn sem fyrr í að byggja upp þekkingu í skýjalausnum enda eru tækifæri þar fyrir okkar viðskiptavini að auka hagkvæmni í rekstri tölvumála og byggja upp tölvuumhverfi framtíðarinnar. Mikill vöxtur var í sölu á lausnum frá ManageEngine sem allar hafa það sameiginlegt að auðvelda tölvudeildum rekstur tölvukerfa.

Nú í lok árs var hýsingarumhverfi Premis endurnýjað að fullu. Premis er annar stærsti vefhýsingaraðili landsins og hýsir vefi fyrir hátt í 2000 fyrirtæki. Vefhýsingin mun bráðlega keyra í state-of-the -art umhverfi í sem byggir á öflugum Lenovo netþjónum og Nimble diskastæðum, Cpanel og Qstack. Premis hýsir einnig tölvukerfi fjölmargra fyrirtækja sem nú hafa verið færð yfir á nýjan búnað frá Simplivity. Ljóst er að Premis er tilbúið að takast á við áskoranir framtíðarinnar í hýsingarmálum. 

Tæknisveitin

Tæknisveitin hefur á undanförnum árum sinnt tækniverkefnum inn á heimilum fólks ásamt því að vinna að uppbyggingu ljósnets og sinna bilanaþjónustu fyrir Símann. Á árinu færðust þessi viðskipti frá Símanum til Mílu og við það jukust verkefni Tæknisveitarinnar verulega. 

Áskorun Tæknisveitar á nýju ári er að vinna að uppbyggingu ljósleiðarakerfis Mílu á höfuðborgarsvæðinu en áætlað er að tengja allt að 10.000 heimili til viðbótar inn á kerfið 2017. Starfsmönnum hefur fjölgað á árinu og enn vantar okkur fleiri snillinga í þetta teymi.

Við hjá Premis lítum björtum augum fram í árið 2017 og hlökkum til að takast á við öll nýju og spennandi verkefnin sem það ár mun veita okkur.

Við þökkum samstarfið á árinu sem er að líða.

Sameinuð fyrirtæki undir merkjum Premis

Premis ehf. hefur nú lokið við kaup og sameiningu á starfsemi Opex ehf. og Davíð og Golíat ehf. Að sögn Kristins Elvars Arnarsonar, framkvæmdastjóra Premis, þá falla félögin vel að kjarnastarfssemi Premis á sviði reksturs tölvukerfa fyrir minni og meðalstór fyrirtæki. Samhliða þessu þá hefur Premis ráðið starfsmenn frá Skapalón veflausnum.

Nánar

Týndi sonurinn snýr aftur

Undur og stórmerki gerðust í lok ágúst þegar týndi sonurinn koma aftur heim.

Hann Gísli Karlsson, vefari, hönnuður, verkefnastjóri og einhyrningur koma aftur heim eftir árs útlegð hjá WOW air.

Við erum hrærð og ánægð að fá hann aftur til baka. 

Nánar

Samræmd kennsla og fræðsla fyrir þitt starfsfólk

Vandamálin sem koma upp á borð til okkar sem hugbúnaðarfyrirtæki eru mörg og af mismunandi toga. Sum þeirra eru svo gott sem óleysanleg, en önnur er vel hægt að leysa og eru mjög skemmtileg.

Námskeiðs- og fræðslukerfið Amon er einmitt eitt af þessum verkefnum sem er mjög gaman að vinna að þar sem við sjáum að það muni koma að gagni fyrir svo mörg fyrirtæki. 

Nánar

Við leitum að snillingum í hópinn

Ert þú snillingurinn sem við leitum að?

Vegna aukinna umsvifa þá erum að við að leita að fólki í allar deildir hjá okkur, nóg af verkefnum og skemmtilegur andi í boði hjá okkur í Premis. 

Nánar

Kenndu 300 börnum í Mosfellsbæ að forrita

Þeir Gunnsteinn Þórisson og Ragnar Örn Ólafsson, sérfræðingar á vef- og hugbúnaðarsviði Premis kenndu um 300 börnum í 6. og 7. bekk í Lágafells- og Varmárskóla að forrita í Micro:Bit. En Micro:Bit er pínulítil örtölva sem er hönnuð af BBC og samstarfsaðilum og er ætluð til þess að nota í tölvukennslu fyrir krakka á öllum aldri.

Nánari upplýsingar um verkefnið eru á vef RÚV.

Nánar

Hvernig lítur þú út á netinu?

Nýlega hélt Díana Dögg, deildarstjóri vef- og hugbúnaðardeilarinnar hjá okkur, fyrirlestur fyrir viðskiðtavini Morgunblaðsins sem bar nafnið „Hvernig lítur þú út á netinu“. Hún fór þar yfir það hvernig er best fyrir fyrirtæki að hugsa vefinn sinn frá upphafi. Það verður að marka stefnu fyrir vefinn, hvað er vefnum þínum ætlað að gera? Um leið og stefnan er komin þá er auðveldara að viðhalda vefnum, segir Díana Dögg.
Nánar

Happy Campers fær upplyftingu

Í september gerðum við smá upplyftingu á vefinn hjá vinum okkar hjá Happy Campers. Vefurinn þeirra fór fyrst í loftið árið 2014 en með stækkandi rekstri þá þarf vefurinn að stækka með. 

Við bættum meðal annars við skemmtilegu bloggi hjá þeim því Happy Campers hafa margar skemmtilegar sögur sem þeir vilja deila með sínum viðskiptavinum. 

Nánar

Notendanámskeið í ServiceDesk

Premis hélt tveggja daga námskeið í ServiceDesk Plus í vikunni fyrir fyrirtæki sem eru að nota kerfið í dag.

Kerfið heldur utan um þjónustubeiðnir, breytingarstjórnun og eignaskráningu ásamt CMDB og byggir á ITIL hugmyndafræðinni. 

Sérfræðingurinn Santhosh Malibi sá um að uppfræða þátttakendur á námskeiðinu.  

Nánar

Bleikur dagur

Það getur verið erfitt að fá 35 tæknigaura og forritara til þess að mæta í bleiku á bleikadaginn í vinnunni. Þess vegna voru það aðeins sölumenn, þjónustuborð, framkvæmdastjóri og allar konurnar í fyrirtækinu sem mættu í bleiku þennan dag. Þau voru nú samt það góð að deila bleika bakkelsinu með öllum hinum líka :) 

Nánar

Next Gen ráðstefna um Active Directory

Fimmtudaginn 19. maí héldum við ráðstefnu um „næstu kynslóðar“ aðferðir í rekstri á Active Directory umhverfinu sem og öryggisatriði í því.

Derek Melber MVP í AD leiddi ráðstefnugesti í allan sannleik um hvernig byggja á upp viðvaranir um breytingar í mikilvægum öryggisstillingum og ræddi þær áskoranir sem upp koma í AD umhverfinu.

Nánar

Nýtt útlit á Corrian

Við erum afar ánægð með nýja útlitið sem við erum búin að vera hanna á innri vefina okkar. En árið 2014 opnuðum við fyrsta innri vefinn með N1 en síðan þá hafa nokkuð margir bæst í hópinn. 

Nánar